http://reaah.com/dewan http://www.saphplesson.org ar محمد الخريف 2010-03-06 الشعر النبطي http://reaah.com/dewan/lesson-147-1.html http://reaah.com/dewan/lesson-147-1.html#comments


(( ابحمل في يدي سيفي ))



تعبت ابكي تعبت اكتم تعبت اقولك ارجوك
ترفق يازمن باللي يتيه بعالم احـــزانك



انا ماعاد في جسمي مكان من الغدر متروك
بصدري والظهر طعنات رمح بيد عدوانك



اقاوم لين طحت و نزف دمي بالدمع مشروك
نعم اختلطت الدمعه بدم جروح نيشانك



سنين العمر قفت بي وقالت للشقاء خلوك
تنفس كل زفرات الحنين تزود نيرانك



انا ادري يازمن ان السعاده بابها مصكوك
على شخص مثل حالي نزف في وجه بيبانك



ابد لا تعتقد اني ابركع وانهزم وارجوك
انا مادمت اتنفس بجيك بوسط ميدانك



ابمشي والقدم تدمي وابوطى فوق كل الشوك
وابنهض عزتي واكسر حدود الخوف باوطانك



ابطعن كبريائك والغرور وبنتصر وادعوك
واقول ارسل لي الباقي من الفرسان شجعانك



ابحمل في يدي سيفي ولساني بالشعر يهجوك
الين الموت ياخذني بعدها بطلق عنانك]]> محمد الخريف 2010-02-25 مقالات وخواطر http://reaah.com/dewan/lesson-146-1.html http://reaah.com/dewan/lesson-146-1.html#comments
لغة الجسد

قبل ايام كنت ابحث في بعض الصفحات في الانترنت

وفجاه وقعت على مقطع لاحد اغاني الفنان كاظم الساهر

وكان المقطع يقول ( ضمني على صدرك وابعدني عن هالناس )

فكرت فيه هل للجسد لغة غير التي نتحدث بها وهل للجسد تاثير اقوى

من الكلام الذي يعتبر هو السحر !!!

هل احتضان من نحب سوا كان حبيب او ولد او اخت له مفعول اقوى من الكلمات ؟

اسالت تدور براسي وبعد ساعات من التفكير والبحث وجدت ان للجسد فعلا لغته الخاصه

فالعين لها تاثيرها على الانسان لذلك نهى الاسلام عن النظر للمراه الاجنبيه او مصافحتها لانه يعتبر

سر من اسرار الجاذبيه العاطفيه ومثل ماقال الشاعر

ايدي بكت في ايدها نار وجمر
وعيني سكنت في عينها وقالت صبر

يعني حواسنا هي لغتنا الحقيقه لان اللسان ممكن يكذب لكن النظره ماتكذب

لغة الجسد هي اللغة الصادقه فالمصافحه باليد من خلال تعرف مقدار غلاك عند من تصافحه

بقوتها او ارتخائها

الاحتضان من خلاله نشعر بان الجسد هو من يتكلم وقتها واكبر دليل على ذلك هو ان الدموع لاتنهمر بصدق

الا عندما نحتضن من نحب وبقوه شعور نحس فيه بان اجسادنا تخترق بعضها البعض قلوبنا تصدم نبضاتها في بعضها

يعجبني اهل باكستان والهند في طريقة السلام فهم يحتضنون بعضهم بكل صدق ولاتعجبني تلك القبلات اللي نطبعها على خدود البعض

وعيوننا من خلف اكتافهم تحكي الحقد او الكراهيه او حتى الكبر

قد نحن انسان من خلال مانسمعه عنه او من خلال صوته اذا الاذن مثل ماقال الشاعر

من قبل رؤياكم نلنا محبتكم .. والاذن تعشق قبل العين احيان

آه من العين وماتفعله بنا

ياليت عيني غمضت يوم مريت
والاشعره طاحت بها واخطفتها

لغة الجسد من خلال نظره نعبر عن حبنا

من خلال نظره نعبر عن حزننا

من خلال لمسه نعبر عن مدى اشتياقنا

من خلال لمسه نعبر عن مدى وقوفنا مع بعضنا


ياترى اذا كانت كل حواسنا لها لغتها خصوصا في الحب ماذا يفعل من قلبه عاشق

او مثل مايقولون الاولييين ( اللي قلبه اخضر ) !!











]]> محمد الخريف 2010-02-25 الشعر النبطي http://reaah.com/dewan/lesson-145-1.html http://reaah.com/dewan/lesson-145-1.html#comments


(( تعبت ))


تعبت لاكن ماتعبت بسهوله
واجهت في عمري محطات وقيود

مثلت دور وخذت دور البطوله
وعديت في عمري متاهات وحدود

شي اطوله حيل وشي ماطوله
أحيان حظي زين واحيان مقرود

في خاطري ساعات شي واقوله
وساعات تحكي عبرتي دون منقود

مرات كني عايش وسط دوله
ومرات في صحرا وحيدا ومفقود

احيان ياتي الشوق يمي واطوله
وايام لا اشوفه ولاهوب موجود

اشتاق ودي بس لمحه لزوله
وكل مايزيد الشوق يزداد بصدود

مثل المطر لابطى علينا نزوله
تيبس عروق القلب من عشقها زود

ياقلب راح اليوم ما انت بحوله
لو طالت الايام فالعمر معدود

خريف عمري ابتدا في حلوله
والقلب ماينفع ولاعاد به فود

حتى القصيد يعيش اخر فصوله
وماظن مثل اول على الكيف بيعود

الورد لاقرب بداية ذبوله
ياقف ولاكن منحني حيل مهدود

اظن نجمي في بداية افوله
والمح بدايا الشيب في عارضي زود

ياشين حب شوف بس ماتطوله
مثل السراب تلاحقه ماله حدود

ليت الهوى ياناس ميت عذوله
ويعيش راع الحب واعد وموعود

ماكل شي دوم سهلا وصوله
درب تجيه ودرب بالوجه مسدود

وماكل مافي القلب دايم نقوله
وكلامنا للغير محصى ومرصود

الناس صارت من قدرها ملوله
وصارت تدوس برجلها ازهار وورود

حتى الوفا صعب علينا حصوله
والطيب في بعض البشر باب مردود
]]> محمد الخريف 2010-02-17 مسجات شعرية http://reaah.com/dewan/lesson-144-1.html http://reaah.com/dewan/lesson-144-1.html#comments مسجات من تاليفي الجزء ( 30 )


( 1 )


علمتني وش شلون حبك به جنون
وعلمتك ان الحب قمة جنوني

علمتني كيف اعشق الغيم والكون
وعلمتك ان العشق كونك وكوني


( 2 )


علمتني وش شلون حبك به جنون
وعلمتك ان الحب قمة جنوني

علمتني كيف اعشق الغيم والكون
وعلمتك ان العشق كونك وكوني


( 3 )


احاول انا اخفي عن مخاليق ربي
حبك ولاكن العيون افضحتني

متى يكون اليوم دربك بدربي
واقول هذي نور عيني وجتني


( 4 )


بعض الغياب يشق صدري ولابيه
وبعض الغياب اطالبك يوم غيبه

بعض الزعل ودك ولو يوم تبديه
وبعض الزعل يابنت ماينحكي به


( 5 )



البارحه مانمت هاجس وهاجوس
وانا اتقلب في فراش من الهم

من عقب ماهي داخل القلب وتحوس
صارت بعيده والشمل تو مالتم


( 6 )



للشوق في قلبي رعود وبراكين
والنار تغلي والمشاعر تنادي

ياغايبه عن عالمي كان تدرين
من يوم غبتي والفكر صار غادي
]]> محمد الخريف 2009-12-21 مقالات وخواطر http://reaah.com/dewan/lesson-143-1.html http://reaah.com/dewan/lesson-143-1.html#comments
(( اشياء تشبه الحب ))


في احد الايام كنت انظر الي احدى المسلسلات بالتلفزيون وكان على نهايته تقريبا المهم انتهى وشفت عنوانه بكل صراحه العنوان شدني كثير

فكرت فيه وسرحت كثير وكان العنوان اسمه ( اشياء تشبه الحب ) قلت بنفسي هل فعلا في

اشياء تشبه الحب وماهي حب ؟

هل هناك امور نظنها حب ونتفاجا انها ليست حب ؟

اسئلة كثيره دارت ببالي وقلت ياترى ماهي هذه الاشياء ؟

هل انجذابك لشخص معين في لحظات عابره وتفكيرك به هو من اللي تشبه الحب ؟

يمكن مرات نمر بمثل هالمشاعر لكن اول مره اوقف عندها واسال نفسي عنها

وانا في خضم تفكيري طرت على بالي اغنية ابونوره فناني المفضل يوم قال

ماكل حب يدخل القلب سكان
بعض الغلا لامن خذا ايام راحي

يروح كنه ماتصور ولاكان
ويمحاه من لوعات الايام ماحي

وقتها بس عرفت انه الغلا ويااااه يالغلا يامن تشبه الحب ولست حبا

الحب احساس اذا لم ياخذه حقه من الوقت فليس حب

اي شي يجي بسرعه يروح بسرعه مثل مايقولون حتى المشاعر

حنا بعصر السرعه تلاقي لك اثنين حبوا بعض عقب العصر بالنت وبالليل يهيم بها وتهيم فيه

كانهم عشقوا بعض من سنوات والصباح تبدا المشاكل ومن بكره ينتهي هذا الحب !!!

فعلا حنا بعصر السرعه

امور كثيره صارت تسابق الزمن مشاعرنا شعراءنا

اول قصيده لي كتبتها عام 1409 هجري تقريبا وقتها ماكنت اسمع بالشعراء خصوصا في ديرتي

الا قليل واغلبهم كبار السن طبعا ومنهم الوالد الله يرحمه

واليوم صرت اسمع اسماء شعراء اكثر من شعر راسي وبديرتي بعد يالك من عصر

تبي قصيده ؟

البعض ممكن بدقايق يكتب لك 20 بيت وكنها شربة مويه على قولتهم

ومثل مافيه اشياء تشبه الحب

هناك اشياء تشبه الشعر

كل الود لكم
]]> محمد الخريف 2009-12-16 الشعر النبطي http://reaah.com/dewan/lesson-142-1.html http://reaah.com/dewan/lesson-142-1.html#comments (( ياتمير غطي راس ضلعك بثوب حداد ))


الا يا عيوني واسكبي دمعك الهمال

عجزت اكتم احزانا غشتني لياليها

وياتمير غطي راس ضلعك بثوب حداد

وقولي رحل عني من الناس غاليها

وخطي على مدخل طريقك عساه السيل

عسى قبر ابو ظاهر جنان سكن فيها

رحل عنك منهو بالكرم مامعاه اثنين

رحل عنك تاريخ المواقف وماضيها

رحل شاعرا ياما كتب في غلاك ابيات

رحل عنك عنوان المراجل وراعيها

رحل عنك ابوي اللي بكته العيون بحور

ورثته القصايد عقب ماكان يرثيها

انا كيف ابصبر لاوصلت ولقيت الدار

غشاها الحزن والثوب الاسود مغطيها

وذا موتره في موقفه قد علاه غبار

تحن المراتب تشتكي فقد راعيها

وانا كيف ابصبر لادخلت وعلى يمناي

وشفت العصا ونعاله اللي مشى فيها

وذا مجلسه ياماجتمعنا معاه وفيه

واليا جا الشتاء ناره تدفي صواليها

وذي حجرته دايم الياجيت له وابغيه

الاقيه فيها جالس ما يخليها

وذا ثوبه معلق وذي غترته بالباب

وذي سبحته عقبه بكت من يسليها

ولقيت امي اللي قد علاها الحزن تبكيه

وفي عينها دمعا على الخد ماليها

مضى لي سنه وانا اتحرى بيوم القاه

وجته المنيه واسبقت بامر واليها

وانا في ديار الروس بعيدا بي المسفار

ونفسي تكفخ ياهلي من يوديها

ابحضر صلاته والجنازه ودفنه ليت

على قبره اذرف من عيوني بصافيها

ويالله ياعالم بحزني ومافي القلب

تهون على روحا بكت فقد غاليها

وعسى مسكنه جنات خلد مع الابرار

مع المصطفي واللي برحتمك واطيها ]]> محمد الخريف 2009-10-08 الشعر النبطي http://reaah.com/dewan/lesson-141-1.html http://reaah.com/dewan/lesson-141-1.html#comments (( الله من علم لفاني ))


الله من علم لفاني وصديت
عجزت انا امسك عبرتي وغلبتني
قالوا توفى سعود ياليتهم ليت
ماعلموني والليالي عطتني
ساعه اشوفه وليتني بس صليت
عليه يوم الناس فيه سبقتني
اوليتني والله من غيبتي جيت
لكن ظروفي والليالي منعتني
مرحوم يارجل من الوقت عانيت
قد قلت هالدنيا كثير عصتني
قد كنت تسألني اذا عنك ابطيت
وانا الليالي عن وصالك خذتني
ياصاحبي بالحلم شفتك وناديت
وصحيت انا ودموع عيني اغرقتني
ياليت وقت راح يرجع وياليت
ذيك الليالي اللي معاك اجمعتني
يالله عسى في جنه الرب لك بيت
وبدعي لك اللي رحمته غامرتني

]]> محمد الخريف 2009-09-28 قصائد عامودية http://reaah.com/dewan/lesson-140-1.html http://reaah.com/dewan/lesson-140-1.html#comments بداني الهم

بدتني حيرة الايام بداني الشيب
بدت تذبل طموحاتي
وتغيب اليوم ضحكاتي
وبدت في اخر المشوار ..بألم وجروح شمسي تغيب
بدت حرف وبدا عمري
وراحت وانتهي عمري
بدت نجمه وريحة عود
وراحت ياعساها تعود
ياليت اني طفل ينسى .. ولاكن ماعرف الغيب
بدت طعنه مع ظهري
ودمي ذا بدا يجري
بديت اضعف بديت اقوم ثم اطيح
ويدي من الالم لمست جروح الوقت والتعذيب
بدت نبض وبدت بسمه
ونهايتها
رجل طاح وبدا هالدود يصول وينهش بجسمه
بداني الهم

بدت في نظرتي الاحزان
وعذاب من شقى الايام
وبداني الهم
بدت توضح ملامح هيكلي المهزوز
بديت بخطوتي اتعثر
بدت احلامي تتبعثر

وبداني الهم
بديت اخذ ومن دمي
واكتب عن مدى همي
على جدار العمر اكتب .. تراني للحزن محجوز
بداني الهم
بدتني حيرة الايام وبداني الشيب ]]> محمد الخريف 2009-09-28 مسجات شعرية http://reaah.com/dewan/lesson-139-1.html http://reaah.com/dewan/lesson-139-1.html#comments

مسجات من تاليفي الجزء ( 29 )


(( 1 ))



لو الكلام اليوم يكفيك يابدور
ان كان قلت من الكلام وتشكرت

غلاك شيد داخلي بيت وقصور
وانا اشهد اني في غلا حبك ادمنت


(( 2 ))


الجرح لاجاء يوجع القلب يدميه
وشلون لاصارت جروح الحبايب

واحسرتي والجرح ينزف واداويه
عيا يوقف واصبح العرق سايب


(( 3 ))


طلبت الله لك ربي عليما بالخفا والسر
يعينك ياغلاتي دوم ويعوض صبرك بفرحه

ويرزقك الضنا الغالي ويجعل فيه كل البر
وتقومي بالسلامه لي ونفسك دوم منشرحه


(( 4 ))


كل عام وانت بخير يانور عيني
هل رمضان وجيت ابارك واهنيك

من كل قلبي يامناي وضنيني
ادعي عسى الله ياغناتي يخليك


(( 5 ))


قالوا خلاص تخرجت قلت قلت مبروك
ياعل دربك ياغلاتي تساهيل

تستاهلين وليتهم يوم نادوك
كنت بجوارك بالفرح والمواصيل


(( 6 ))


مانيب سهله تحسبني على الكيف
انثى واتمرد وصعب وصولي

فيني الشموخ وناضجه ماتبع الطيف
نفسي عزيزه وماحدن لي يطولي]]> محمد الخريف 2009-09-28 الشعر النبطي http://reaah.com/dewan/lesson-138-1.html http://reaah.com/dewan/lesson-138-1.html#comments

(( قولولها ))



قولوا لها وان كان هي ناسيتني
انا ذبحني شوقها من غلاها

قولولها بالصد هي عاقبتني
وانا اتحرى يوم لحظة لقاها

قولوا لها سود الليالي غدرتني
والارض ضاقت بي وضاقت سماها

قوللوا لها بالحلم هي زاورتني
وفزيت وعيوني على الخد ماها

قولوا لها دنياي ماطاوعتني
لاتحسب اني مرخصا في هواها

قولوا لها وان كان يوم اذكرتني
هذاك روحه بالهوى لك عطاها

قولوا لها لو ابعدت واتركتني
عز الله ان قلب المعنى معاها

قولوا لها لو مت يوم وبكتني
هذاك مات ودنيته ماقضاها

قولوا لها راحت ولاودعتني
مدري خطاي اليوم والا خطاها

قولوا لها نار الفراق احرقتني
واحس بعضامي تزايد صلاها

قولوا لها ان مرجعت واحضنتني
والله لاتل عروق قلبي وراها

والله لادوسه دوس يامزعلتني
واحفر لروحي قبرها في ثراها ]]>